site stats
बाह्रखरी :: Baahrakhari
विदेश
Global Ime bankGlobal Ime bank
किन विवादित बन्यो भारतमा रोनाल्डोको मूर्ति ?

बीबीसी । भारतको पश्चिम गोवामा निर्माण गरिएको विश्व चर्चित फुटबल स्टार क्रिस्टियानो रोनाल्डोको मूर्ति यतिबेला विवादमा आएको छ । 

फुटबल अत्यधिक लोकप्रिय रहेको ठाउँ भएर पनि युवाहरुलाई सो मूर्तिले प्रेरित गर्ने अपेक्षासहित अधिकारीहरुले त्यसलाई स्थापित गराएका थिए । 

तर अर्कोतर्फ गोवा पूर्व पोर्चुगिज कोलोनी पनि हो र त्यसबाट स्वतन्त्र भएको ६० वर्ष मात्र भएको छ । यस्तोमा आलोचकहरुले स्थानीय फुटबल खेलाडी सम्मानको बढी हकदार भएको बताइरहेका छन् । राष्ट्रिय टोलीका थुप्रै सदस्यहरु गोवाको भएको हुँदा पनि उनीहरुको प्रचार गर्न सकिने बताइएको छ । 

गोवाका एक स्थानीयले इआन्स न्युज एजेन्सीसँग भने, “हामी यहाँ रोनाल्डोको मूर्ति राखिएका प्रति एकदमै निराश बनाएको छ । किनकी हामीले आफ्नै आइकन्स जस्तै समिर नाइक र ब्रुनो कोटिन्होप्रति गर्व गर्न सिक्नुपर्दछ ।”

यसरी मूर्तिको उद्घाटनकै बेला केही मानिसहरुले यसको विरोधमा कालो झन्डा पनि देखाएको टाइम्स अफ इन्डिया दैनिकले रिपोर्ट गरेको थियो । 

यता पोर्चुगलकै फुटबल टिम गोवामा अत्यन्तै लोकप्रिय मानिन्छ । कुनै समय पोर्चुगलको उपनिवेश भएकाले पनि धेरै स्थानीयहरु या तिनका परिवार पोर्चुगलमा बसोबास गरेका पनि धेरै छन् । 

तरपनि केही स्टेटहरुले गोवा पोर्चुगलबाट स्वतन्त्र भएको ६० औँ वार्षिकोत्सवकै समयमा सो मूर्ति स्थापित गर्नु अपमानजनक भएको प्रतिक्रिया दिइरहेका छन् । बेलायती शासनबाट भारत मुक्त भइसकेपछि पनि १४ वर्षसम्म गोवा चाहिँ पोर्चुगलकै कब्जामा थियो । त्यसैले यसले गोवामा स्वतन्त्रताको लडाइँ लड्नेहरुको ठूलो अपमान भएको उनीहरुको भनाइ छ । 

हाल म्यान्चेस्टर युनाइटेडका लागि खेल्ने रोनाल्डो विश्वभरमै सबैभन्दा मनपर्ने खेलाडी हुन् । उनलाई फुटबल इतिहासकै एक उत्कृष्ट खेलाडी मानिन्छ । 

हाल यस घटनाबारे उनले कुनै सार्वजनिक प्रतिक्रिया दिएका छैनन् । 
 

प्रकाशित मिति: बिहीबार, पुस १५, २०७८  ०९:३६
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro