![म्यानमारका ३० लाखभन्दा बढीलाई ‘जीवनरक्षक’ सहायता आवश्यक : राष्ट्रसंघ](https://12khari.top/uploads/posts/madkfmdkgm1636445858.jpg)
एपी । म्यानमारका ३० लाखभन्दा बढी नागरिकलाई ‘जीवनरक्षक’ सहायता आवश्यक रहेको संयुक्त राष्ट्रसंघले जनाएको छ ।
राष्ट्रसंघको मानवीय सहायता प्रमुख मार्टिन ग्रिफिट्सले ३० लाखभन्दा बढी मानिसलाई मानवीय सहायताको लागि बिनाअवरोध पहुँच दिन म्यानमारका सैनिक नेताहरूलाई आग्रह गरेका छन् ।
गएको फेब्रुअरीमा सैनिकले सत्ताकब्जा गरेयता बढिरहेको द्वन्द्व र असुरक्षा, कोभिड–१९ र असफल अर्थतन्त्रका कारण लाखौँ मानिस प्रभावित भएका छन् ।
राष्ट्रसंघ मानवीय सहायता प्रमुख ग्रिफिट्सले हिंसाको अन्त्य र शान्तिपूर्ण समाधान नभए यो संख्या अझै बढ्न सक्ने चेतावनी दिएका छन् । उनले मानवीय सहायताका लागि आवश्यक ३८५ डलर मिलियनको आधा मात्र उठेको भन्दै राष्ट्रसंघको अपिललाई सम्बोधन गर्न दाताहरूलाई पनि आग्रह गरेका छन् ।
![Global Ime bank](https://baahrakhari.com/uploads/bigyaapan/30885600.gif)