सिउल । दक्षिण कोरियाको प्रहरीले बालबालिका केन्द्रित अन्तर्राष्ट्रिय यौन अपराधसँग लड्न अनलाइन प्लेटफर्म लन्च गरिएको जनाएको छ । 

सो प्लेटफर्मको अपरेसन इना रे (इन्टरनेशनल रेस्पोन्स अगेन्स्ट एक्सप्लोइटेसन) भएको जनाइएको छ । सो अपरेसनमा नेपालसहित ताइवान, सिंगापुर, इन्डोनेसिया र थाइल्यान्ड पनि संलग्न हुने जनाइएको छ । त्यसको मुख्य उदेश्य बालबालिकामाथिको यौन शोषण गरिएको तस्बिर निस्तेज गर्नु रहेको जनाइएको छ । 

कोरियन प्रहरीका अनुसार अमेरिकी संस्था ‘द नेशनल सेन्टर फर मिसिङ एन्ड एक्सप्लोइटेड चिल्ड्रेन’ पनि त्यसमा सहभागी हुन चाहेको छ । सो संस्था १९८४ मा स्थापना भएको हो  । 

सो अपरेसनमा सम्बद्ध देशका अधिकारीहरूलाई कुन देशबाट वेबसाइट होस्टिङ गरिएको छ, त्यस्ता सामग्री कहाँ आधारित छन् र यो कानुनी रूपमा दर्ता गरिएको छ कि छैन लगायतका कुरा हेर्ने अधिकार हुनेछ ।

यदि त्यस्तो साइट आफैँ गैरकानुनी ढंगले चलाइएको छ भने प्रहरीले अर्को देशमा भएका आफ्ना समकक्षीलाई प्रतिनिधिमण्डल पठाउन लगाउनेछ । यदि त्यो साइट कानुनी रूपमा दर्ता छ भने त्यस्ता साइटबाट गैरकानुनी भिडियो र तस्बिर हटाउन लगाउने जनाइएको छ ।

यो प्रणालीले अन्तर्राष्ट्रिय सहयोगलाई सजिलो, चुस्त र अझ बढी पारदर्शी बनाउने र यसले अपराधीहरूको ढाँचालाई ट्रयाक गर्न पनि मदत गर्ने अपेक्षा गरिएको जनाइएको छ । 

खआसियान क्षेत्रका राष्ट्रिय प्रहरी एजेन्सीहरूको यही जुलाई १ देखि ५ सम्म हुने बैठकका क्रममा अरु थप देशअरूलाई समेत यो परियोजनामा सामेल हुन आग्रह गरिने कोरियन प्रहरीले जनाएको छ । द कोरिया टाइम्स