काठमाडौं । एभरेष्ट बैंक र दराजबीच सम्झौता भएको छ । सम्झौताअनुसार  एभरेष्ट बैंकले जारी गरेको भिसा डोमेस्टिक कार्डहरू (डेबिट र क्रेडिट कार्डहरू) बाट भुक्तानी गरेर दराज ११.११ अभियानमा दराजबाट खरिद गर्दा ग्राहकहरूले छुट पाउनेछन् ।

उक्त सम्झौतापत्रमा एभरेष्ट बैंकको तर्फबाट सहायक महाप्रबन्धक आसुतोष शर्मा र दराजका प्रबन्ध निर्देशक लिनो अहलरिंङले हस्ताक्षर गरेका छन् ।

कार्यक्रम सन् २०२१ नोभेम्बेर ११ मा  लाइभ हुनेछ जनाइएको छ ।  जहाँ  बैंकले दराज एप र वेबसाइटहरूमा एभरेष्ट डेबिट÷क्रेडिट कार्डहरू प्रयोग गरी सामान खरिद गर्नेहरूलाई १५ प्रतिशतसम्म छुट प्रदान गर्नेछ ।

ग्राहकहरूले क्रेडिट कार्डमा अधिकतम तीन हजार ५०० र डेबिट कार्डमा तीन हजार रुपैयाँसम्म छुट पाउने बैंकले जनाएको छ ।

ई–कमर्समा ‘एक्टिभेट’ भएको छ कि छैन भनेर कार्ड होल्डरहरूले सुनिश्चित गर्नुपर्ने बैंकले जारी गरेको विज्ञप्तिमा उल्लेख छ ।