काठमाडौं । काठमाडौंमा कोल्डस्टोरभित्र तास खेलिरहेको अवस्थामा ६ जना पक्राउ परेका छन् ।

चन्द्रागिरि नगरपालिका–११, विष्णुदेवी हाउजिङस्थित सुस्मिता कोल्डस्टोरमा तास खेलिरहेको अवस्थामा कोल्डस्टोरका सञ्चालक सोही ठाउँ बस्ने स्याङ्जाको बिरुवा गाउँपालिका–६ घर भएकी ४२ वर्षीया आरती लम्साललगायत ६ जनालाई हिजो प्रहरीले पक्राउ गरेको हो ।

महानगरीय प्रहरी प्रभाग बलम्बुबाट खटिएको प्रहरी टोलीले उनीहरूलाई नगद एक लाख पाँच हजार २४० रुपैयाँ र चार बुक ताससहित पक्राउ गरेको जनाइएको छ ।