काठमाडौं । रामेछापको सुनापति गाउँपालिका–४ मा बोलेरो गाडी दुर्घटना हुँदा एकजनाको मृत्यु भएको छ । चारजना घाइते छन् ।

बोलेरोमा सवार सुनापति गाउँपालिका–३ की ४६ वर्षीया शारदा खत्रीको मृत्यु भएको हो । दुर्घटनामा गम्भीर घाइते भएकी उनको उपचारको लागि धुलिखेल अस्पताल लैजाने क्रममा बाटोमै मृत्यु भएको जनाइएको छ ।

घाइते भएका चालकसहित चारजनाको धुलिखेल अस्पतालमै उपचार भइरहेको छ ।

काठमाडौंबाट रामेछापको हिलेदेवी जाँदै गरेको प्रदेश ३ ०१ ०२४ च १४४० नम्बरको बोलेरो गाडी हिजो बेलुका करिब ८ बजे अनियन्त्रित भई सडकबाट करिब १०० मिटर तल खसेको थियो ।