काठमाडौं । प्रमुख प्रतिपक्षी दल नेपाली कांग्रेसले विपक्षी गठबन्धनलाई बलियो बनाएर अघि बढ्ने तयारी गरेको छ । कांग्रेस केन्द्रीय समिति बैठकमा कम्युनिष्टसँग विना छलफल सहकार्य गरेको र पार्टीका गतिविधि भन्दा गठबन्धनका गतिविधि धेरै देखिएको भन्दै प्रश्न उठेपछि सभापति देउवालाई समझदारी गरी नेताहरुलाई विश्वासमा लिएर अपिघ बढ्न पौडेलले सुझाएका थिए । त्यही सुझावका आधारमा सभापति देउवाले दिउँसो १ बजेका लागि बोलाएको केन्द्रीय समिति बैठक अघि पदाधकारी र वरिष्ठ नेताहरुसँग आफ्नै कार्यकक्षमा छलफल गरेका थिए । छलफलबाट यही गठबन्धनलाई बलियो बनाएर अघि बढ्ने समझदारी भएको हो ।
वरिष्ठ नेता रामचन्द्र पौडेलका अनुसार अनौपचारिक छलफलमा राष्ट्रिय राजनीतिका विषयमा महत्वपूर्ण समझदारी बनेको छ ।
उनका अनुसार राजनीतिक रुपमा कता लाग्ने भन्ने विगतको अन्योल टुंगिएको छ र अव विपक्षी गठबन्धनलाई बलियो बनाएरअघि बढ्ने समझदारी कायम भएको छ ।
छलफलको निस्कर्षबारे पौडेलले भने, “अब यही गठबन्धनलाई बलियो बनाएर अघि बढ्ने विषयमा समझदारी भएको छ ।”
अघिल्लो पटक प्रधानमन्त्री केपी शर्मा ओलीले प्रतिनिधिसभिा विघटन गर्दा कांग्रेस विभाजित अवस्थामा थियो । पौडेल विघटनका विरुद्ध पार्टी बलियोसँग उभिनुपर्ने पक्षमा थिए भने देउवा चुनावलाई अवसरका रुपमा उपयोग गर्नुपर्छ भन्ने पक्षमा थिए ।
पौडेलको जोडबलमा कांग्रेस ओलीको कदम असंवैधानिक भनेर निर्णय गरी आन्दोलन त घोषणा गथ्र्यो तर, सभापति देउवा र उनीपक्षीय नेताहरु स्थानीय स्तरका कार्यकर्तालाई चुनावको तयारीमा लाग्नुस भनिरहेका हुन्थे ।
प्रधानमन्त्रीको कदमका विषयमा दुइधारमा विभाजित भएको कांग्रेस ओलीले दोस्रो पटक प्रतिनिधिसभा विघटन गर्दा भने एकमत भएको छ । सभापति देउवा स्वयम् रिट निवेदक भएर प्रतिनिधिसभा विघटनका विरुद्ध न्याय माग्दै सर्वोच्च अदालत पुगेका छन् भने पौडेलसहितका नेताहरु प्रतिनिधिसभा पुनस्र्थापनाका पक्षको पुरानै अडानमा कायम छन् । त्यसैले विगतमा जस्तो राष्ट्रिय राजनीतिका विषयमा कांग्रेस विभाजित छैन ।
बिहीबारको बैठकमा कांग्रेस नेता महेश आचार्यले कम्युनिष्टहरुसँग गठबन्धन बनाएर गठबन्धनकै तर्फबाट गतिविधि संचालन गर्दा पार्टीमा छलफल गर्नुपर्दैन भन्दै प्रश्न उठाएका थिए । जवाफमा देउवाले विगतमा उनै मधव नेपालसँग उनै प्रचण्डसँग मिलेर सकार बनाउनु हुने अहिले प्रतिगामी र संविधान विरोधी प्रधानमनत्री केपी ओली र राष्ट्रपति विद्या भण्डारीका कदमविरुद्ध सहकार्य गर्न पनि नहुने भन्दै प्रतिप्रश्न गरेका थिए । त्यसपछि आचार्यले सहकार्य गर्नु हुँन्छ हुँदैन भन्ने प्रश्न भन्दा पार्टीलाई त्यसबारे जानकारी हुनुपर्छ पर्दैन भन्ने कुरा महत्वपूर्ण भएको बताएका थिए ।
देउवाका अहिलेका तर्कलाई पौडेल–कोइराला पक्षका केन्द्रीय सदस्यहरु भने युटर्न भएको संज्ञा दिन्छन् ।