site stats
बाह्रखरी :: Baahrakhari
अर्थ व्यवसाय
Nabil BankNabil Bank
Sarbottam CementSarbottam Cement
प्रदेश २ : बजेटमा सत्तापक्षसँगै विपक्षी दल र निजी क्षेत्रको असन्तुष्टि 
Ghorahi CementGhorahi Cement

जनकपुरधाम । प्रदेश २ सरकारले मंगलबार ल्याएको बजेटमा प्रतिपक्षीसँगै सत्तापक्ष र निजी क्षेत्रले असतुष्टि जनाएका छन् । सरकारले वितरणमुखी बजेट ल्याएको र महामारीमा थलिएको नीजि क्षेत्रलाई नसमेटिएको भन्दै उनीहरुले असन्तुष्टि जनाएका हुन् ।

 सत्तारुढ दल जनता समाजवादी पार्टी (जसपा) नेपालका सांसद परमेश्वर साहले कार्यान्वनमा चुनौती रहेको बताए । बजेटको केही हिस्सा राम्रो भएपनि कार्यान्वयनमा निकै चुनौती आउने र बाँकी योजना वितरणमुखी रहेको उनको भनाइ छ । “बजेटमा केही र्शाक परिस्कृत देखिएपनि परम्परागत शैलीकै बजेट छ । समावेश भएका कतिपय कार्यक्रमहरू पुरानै छन्,” उनले भने, “नयाँ योजना ल्याउन सकेका छैनन् । बजेट वितरणमुखी हो ।”

Agni Group

एमालेका सांसद मञ्जुकुमारीले समग्रमा बजेट वितरणमुखी रहेको भन्दै उत्पादनमुलक क्षेत्रमा लगानी पर्याप्त नभएको बताइन् । “विगतमा पनि सरकारले राम्रै बजेट ल्याएको हो । तर अहिलेसम्म प्रदेशको जनताले त्यसको आभास गर्न सकेको छैनन्,” उनले भने, “त्यसको मुख्यकारण भनेको कार्यान्वयन पक्ष एकदमै फितलो हुनु र योजनामा कार्यकर्ताको हालीमुहाली हुनु हो ।”

सरकारले बजेटमा प्राथमिकता आवश्यक विषय नसमेटिएको उनको भनाइ छ । चुरे र गरिब निमुखालाई समेट्न सरकारले पर्याप्त योजना नल्याएको उनले जिकिर गरिन् । “कृषि र रोजगारीमा प्राथमिकता दिएको भनिएको छ । तर, कृषि र रोजगारीलाई जोड्ने खासै योजना नै छैनन् ।”

Global Ime bank

उनले बजेटमा खेल क्षेत्रलाई नसेमेटिएको पनि बताइन् । सरकारले कोरोनाको बहानामा नागरिकको अधारभूत आवश्यकतामा ख्याल नगरेको उनको भनाइ छ । 

अर्थशास्त्री डा. सुरेन्द्र लाभले प्रदेश २ सरकारको बजेट परम्परागत शैलीको बजेट भएको बताए । उनले समाजवादउन्मुख बजेट हुन नसकेको जिकिर गरे । कोरोना महामारीबाट थलिएको गरिबका लागि विशेष प्याकेजको आवश्यकता भएपनि सरकारले ल्याउन नसकेको उनको टिप्पणी छ । उनले प्रदेशमा कोरोना महामारीका कारण अर्थतन्त्र धराशायी भएको अवस्थामा बेरोजगारी, भोकमरी बढेपनि बजेटमा त्यसलाई सम्बोधन नै नगरिएको बताए । 

जनकपुरधाम उद्योग वाणिज्य संघका अध्यक्ष जितेन्द्र महासेठले सकरारले कोरोनाबाट प्रभावित बनेका व्यवसायीलाई कुनै प्रकारको राहत तथा छुटको व्यवस्था नगरेको भन्दै असन्तुष्टि जनाए । सरकारको मेरुदण्डका रूपमा रहको निजी क्षेत्रलाई सम्बोधन नगर्नु सरकारको बैइमानी भएको उनको आरोप छ । 

आर्थिक मामिला तथा योजनामन्त्री विजयकुमार यादवले मंगलबार आगामी आर्थिक वर्ष २०७८÷०७९ का लागि कुल ३३ अर्ब ७९ करोड १४ लाख ३० हजार रुपैयाँको बजेट सावर्जनिक गरेका थिए ।

NIBLNIBL
प्रकाशित मिति: बुधबार, असार २, २०७८  १७:५३
Sipradi LandingSipradi Landing
worldlinkworldlink
Nepal TelecomNepal Telecom
प्रतिक्रिया दिनुहोस्
Ncell Side Bar LatestNcell Side Bar Latest
Bhatbhateni IslandBhatbhateni Island
Kumari BankKumari Bank
Shivam Cement DetailShivam Cement Detail
Maruti cementMaruti cement
सम्पादकीय
ICACICAC