काठमाडौं । सरकारले बजेटमार्फत् ढुङ्गा, बालुवा, गिट्टी पैठारी गर्ने योजना अघि सारेपछि चौतर्फी आलोचना चुलिएको छ । लुम्बिनी प्रदेशका मुख्यमन्त्री तथा एमाले स्थायी कमिटी सदस्य शंकर पोखरेलले यसको निरन्तर बचाउ गर्दै आएका छन् । उनले पूर्वप्रधानमन्त्रीहरूले आफ्ना पालामा भएको चुरे विनाश बिर्सिएर सरकारको नीतिविरुद्ध उत्रिएको भन्दै आलोचना गरेका छन् ।

“नेपालका पूर्व प्रमहरूवाट सरकारविरुद्ध चुरे पुराण सुरुभएको छ । जसका पालामा सबैभन्दा बढी चुरे विनास भयो । बजेटले वातावरणीय प्रभाव मुल्याकन गरी उपयुक्त ठाउँका ढुंगे पहाडलाई खानीक्षेत्र घोषणा गरी निकासी अनुमति दिनेकुरा गरेको हो । यसवाट चुरे क्षेत्रको संरक्षणमा सहयोग नै पुग्नेछ,” उनले पुनः जिकिर गरेका छन् ।