काठमाडौं । प्रिमियर लिग फुटबल अन्तर्गत सिजनका अन्तिम खेलहरु आज (आइतबार) हुँदैछन् । आज हुने सम्पूर्ण खेलहरू नेपाली समय अनुसार २०ः४५ मा सुरु हुनेछन् । आजको खेलले अर्काे सिजन च्याम्पियन्स लिग फुटबल खेल्ने टोलीको टुङ्गो लाग्नेछ । जसका लागि लेस्टर सिटी, चेल्सी र लिभरपुल दावेदार छन् । 

चेल्सी ३७ खेलबाट ६७ अंक जोडेर तालिकाको तेस्रो स्थानमा छ । चौथो स्थानमा रहेको लिभरपुलको ६६ अंक छ भने पाँचौं स्थानको लेस्टर सिटीको पनि ६६ अंक छ । 

आजको खेलमा तीनवटै क्लबले जित निकाल्नु पर्नेछ । लेस्टरले टोटेनहमसँग खेल्दैछ । त्यस्तै लिभरपुलले क्रिस्टल प्यालेससँग खेल्दा चेल्सीले एस्टन भिल्लाको सामना गर्नेछ । 

लेस्टरले आजको खेलमा जित निकाल्नु पर्नेछ । बराबरी भएमा लेस्टर च्याम्पियन्स लिग खेल्न पाउने छैन । 

यता, लिभरपुलले पनि आजको खेलमा जित निकाल्नु पर्नेछ । लेस्टर र लिभपुल दुबै पराजित भएमा लिभरपुल अर्काे सिजन च्याम्पियन्स लिग खेल्न पाउने छैन । 

चेल्सीले पनि जित निकाल्नु पर्नेछ । चेल्सीले बराबरी खेलेमा अथवा पराजित भएमा र लिभरपुल र लेस्टरले जित निकालेमा चेल्सी अर्काे सिजन च्याम्पियन्स लिग खेल्न पाउने छैनन् । 

चेल्सी, लेस्टर र लिभरपुल तीन क्लबले जित निकालेमा लिभरपुल र चेल्सी च्याम्पियन्स लिगका लागि छनोट हुनेछन् । लेस्टर छनोट हुन टेटेनहमविरुद्ध फराकिलो गोल अन्तरले जित निकाल्नु पर्ने हुन्छ । 

यो समाचारको यसअघि प्रयोग गरिएको तस्बिर सच्चाइएको छ ।