मुम्बई । कोरोना महामारीको दोस्रो लहर सुरु भएसँगै खुलेका केही हलहरु पनि फेरि बन्द भइसकेका छन् । गत वर्षजस्तै यो वर्ष पनि अब चलचित्र निर्माताहरु हल रिलिज नकुरी सिधै डिजिटल प्लेटफर्ममा आफ्नो चलचित्र प्रिमियर गर्ने सोच बनाउन थालिसकेका छन् ।

योसँगै डिज्नी + हटस्टारमा बलिउड चलचित्र रिलिजका लागि लाइनअपमा छन् । बलिउड चलचित्र ‘भूत पुलिस’, ‘हंगामा २’, ‘सिद्दत : जर्नी बियोन्ड लब’, ‘मिमि’ र ‘शादिस्तान’ डिज्नीमा रिलिज हुनेछन् ।

चलचित्र ‘भूत पुलिस’मा अभिनेता सैफ अली खान, अर्जुन कपुर, ज्याकलिन फर्नानडिज र यामी गौतमको अभिनय रहेको छ । टिप्स इन्डष्ट्रिज लिमिटेड र १२ स्ट्रिट इन्टरटेन्मेन्टको संयुक्त प्रस्तुति रहेको चलचित्र पावन किर्पालानीले निदेशन गरेका हुन् ।

प्रियदर्शनको निर्देशनमा बनेको ‘हंगामा २’ पनि डिजिटल प्लेटफर्ममै रिलिज हुँदै छ । यस चलचित्रमा परेश रावल, शिल्पा सेट्टी कुन्द्रा, मिजान जाफरी, प्रनिथा सुबास, जोनी लिवरलगायत कलाकारहरुको अभिनय रहेको छ भने अक्षय खन्नाको केमिया भूमिका छ ।

निर्देशक दिनेश भिजानको ‘सिद्दत : जर्नी बियोन्ड लब’ पनि सोही प्लेटफर्ममा रिलिज हुँदै छ । यो मल्टिस्टार चलचित्रमा हो ।

कीर्ति सेनोन अभिनीत ‘मिमि’ पनि डिज्नीमा रिलिज हुँदै छ । बलिउड हंगामाबाट ।