काठमाडौं । देशभर कोरोनाको सक्रिय संक्रमितको संख्या ९३ हजार १४१  पुगेको छ ।

काठमाडौं उपत्यकामा मात्रै सक्रिय संक्रमितको संख्या ३९ हजार ४३६ पुगेको छ । त्यसमध्ये काठमाडौंमा मात्रै २९ हजार ७१ जना सक्रिय संक्रमित छन् । हाल ललितपुरमा ६ हजार २८० र भक्तपुरमा चार हजार ११२ सक्रिय संक्रमित छन् ।

काठमाडौं उपत्यकामा पछिल्लो २४ घण्टामा तीन हजार ६०७ जनामा कोरोना संक्रमण पुष्टि भएको छ । काठमाडौंमा मात्रै दुई हजार ७७५, ललितपुरमा ५०५ र भक्तपुरमा ३२७ संक्रमित थपिएका हुन् ।

पछिल्लो २४ घण्टामा १८ हजार ४११ वटा नमुनाको परीक्षण गर्दा देशभर नौ हजार २७१ जनामा संक्रमण देखिएको स्वास्थ्य तथा जनसंख्या मन्त्रालयले सोमबार जनाएको छ ।