काठमाडौं । नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले प्रधानमन्त्री केपी शर्मा ओलीलाई विश्वास माग्नुको साटो राजीनामा दिन सुझाव दिएका छन् ।

आज संसद्मा प्रधानमन्त्रीले विश्वासको मत माग्न राखेको प्रस्तावको विपक्षमा बोलेका प्रचण्डले प्रधानमन्त्रीले नैतिक र वैधानिक सबै हैसियत गुमाएको बताए ।

“प्रधानमन्त्रीले विश्वासको मत माग्न पाउने उहाँको लोकतान्त्रिक अधिकारको म सम्मान गर्दछु,” उनले भने, “तर, उहाँले सरकारमा बस्ने नैतिक, राजनीतिक र वैधानिक हैसियत गुमाइसक्नुभएको छ । त्यसैले म उहाँलाई अझ पनि राजीनामा दिएर लोकतान्त्रिक मार्गप्रशस्त गर्न सुझाव दिन्छु ।”