काठमाडौं । युरोपियन च्याम्पियन्सीपका खेलहरूका लागि  २६ खेलाडी राख्न पाइने भएको छ । 

हरेक देशले अब प्रतियोगिताका लागि २६ खेलाडी राख्न पाउने भएका हुन् । यूईएफएको नियमअनुसार एक टिममा २३ खेलाडी राख्न पाउने नियम रहेको थियो । तर, कोरोना भाइरसको महामारीपछि २६ खेलाडी टिममा राख्न पाउने भएको हो । 

यूईएफए नेसन समितिले गरेको निर्णयलाई यूईएफएको कार्यकारी समितिले स्वीकृति दिएको हो । 

आगामी जुन ११ बाट सुरु हुने प्रतियोगिताका लागि टिमहरूले २६ जनाको टिम बनाएर जुन १ सम्म बुझाइ सक्नुपर्नेछ । 

प्रतियोगिताको फाइनल खेल १ जुलाईमा हुनेछ ।