काठमाडौं । एसी मिलान इटालियन सिरी ‘ए’ फुटबलको दोस्रो स्थानमा उक्लिएको छ । शनिबार राति भएको खेलमा मिलानले बेनेभेन्टोलाई २–० ले हरायो ।

घरेलु मैदानमा भएको खेलमा मिलानलाई जित दिलाउन हन्कान काहाल्नोगुल र थेइगो हर्नान्डेजले समान एक÷एक गोल गरे । खेलको छैटौँ मिनेटमा हन्हकानले गोल गर्दै टिमलाई अग्रता दिलाएका थिए । ६०औँ मिनेटमा हर्नान्डेजले गोल गर्दै टिमलाई २–० को जित दिलाए ।

जितसँगै मिलानले ३४ खेलबाट ६९ अंक जोडेको छ । मिलान दोस्रो स्थानमा उक्लिएको छ । शीर्ष स्थानको इन्टर मिलानको ८२ अंक छ । पराजित बेनेभेन्टो ३१ अंकसहित तालिकाको पुछारमा छ ।