काठमाडौं । नेदरल्यान्ड्सले त्रिकोणात्मक टी–ट्वान्टी क्रिकेट सिरिजअन्तर्गत दोस्रो खेलमा मलेसियालाई १९२ रनको लक्ष्य दिएको छ ।
आइतबार कीर्तिपुरस्थित त्रिवि अन्तर्राष्ट्रिय क्रिकेट मैदानमा टस जितेर पहिला ब्याटिङ गरेको नेदरल्यान्ड्सले निर्धारित २० ओभरमा २ विकेट गुमाउँदै १९१ रन बनायो ।
नेदल्यान्ड्का लागि म्याक्स ओ’डोडले शतक प्रहार गरे । उनी ७३ बलमा १५ चौका र ६ छक्कासहित १३३ रनमा अविजित रहे । बेन कुपर २० बलमा दुई चौकासहित २० रन जोडेर अविजित रहे ।
दोस्रो ओभरको पहिलो बलमा टोबियस भिसेलाई पवनदीप सिंहले एक रनमै बोल्ड गर्दै मलेसियालाई पहिलो सफलता दिलाएका थिए । भिसेलले चार बलमा एक रन बनाए ।
आठौँ ओभरको तेस्रो बलमा स्कर्ट एडवार्डसलाई अनवर रहमानले ३१ रनमा एलबीडब्लू आउट गर्दै मलेसियालाई दोस्रो सफलता दिलाए । एडवार्डसले २३ बलमा तीन चौका र एक छक्का प्रहार गरे ।
मलेसियाले जवाफी ब्याटिङ गर्दै छ ।