काठमाडौं । पछिल्लो समय नेपालमा कोभिड–१९ संक्रमितको संख्या दैनिक बढ्दै गएको देखिएको छ । स्वास्थ्य तथा जनसंख्या मन्त्रालयको तथ्यांकले दिनप्रतिदिन संक्रमितको संख्यामा वृद्धि भइरहेको देखाउँछ ।
बिहीबार पछिल्लो २४ घण्टामा ९ सय जना कोभिड–१९ संक्रमित थपिएका छन् । यो मंसिर महिनायताकै उच्च संक्रमितको संख्या हो । ६ हजार १५८ वटा नमुामाको परीक्षण गरिएकोमा नौ सय जनाको नतिजा पोजेटिभ आएको हो ।
योसँगै नेपालमा कूल संक्रमितको संख्या दुई लाख ८२ हजार ८९० पुगेको छ । त्यस्तै २४ घण्टामा २०८ जना संक्रमणमुक्त भएका छन् योसँगै देशमा कोरोनामुक्त हुनेको संख्या दुई लाख ७४ हजार ८१२ पुगेको छ ।
त्यस्तै पछिल्लो २४ घण्टामा कोभिड–१९ का कारण चार जनाको मृत्यु भएको छ । योसँगै नेपालमा कोभिड १९ का कारण मृत्यु हुनेको संख्या ३ हजार ७० पुगेको छ ।
पछिल्लो २४ घण्टामा संक्रमित हुनेहरुमा सबैभन्दा धेरै वाग्मती प्रदेशमा ४२७ जना छन् । त्यस्तै लुम्बीनीमा २४८ जना, प्रदेश २ मा ४९, प्रदेश १ मा ३५, गण्डकीमा ४६ र सुदूरपश्चिम प्रदेशमा ३१ जना छन् । कर्णली प्रदेशमा भने पछिल्लो २४ घण्टामा संक्रमित देखिएका छैनन् ।
