काठमाडौं । काठमाडौंको नयाँ बसपार्कनजिक एक होटेलमा एकजना युवक मृत अवस्थामा फेला परेका छन् । मृत फेला पर्नेमा स्याङ्जाका युवक हुन् ।

महानगरीय प्रहरी परिसर काठमाडौंका प्रमुख एसएसपी अशोक सिंहका अनुसार उनको शव शव पोस्टमार्टमका लागि त्रिवि शिक्षण अस्पताल पठाइएको छ ।

अनुसन्धानका लागि दुईजना पक्राउ परेका छन् । मृतक र पक्राउ पर्ने तीनैजना साथी रहेको खुलेको छ । उनीहरु होटेलमा कोठा लिएर बसेका थिए ।

एसएसपी सिंहका अनुसार मृतकको शरीरमा बाहिरी चोट देखिएको छैन । पोस्टमार्टम रिपोर्टपछि थप कुरा खुल्ने प्रहरीको भनाइ छ ।