अर्थ व्यवसाय
काठमाडौं । सरकारले हालै नेकपा एमालेमा प्रवेश गरेका व्यवसायी किशोरकुमार प्रधानलाई नेपाल वायुसेवा निगमको सञ्चालकमा नियुक्त गरेको छ । प्रधान दुई साताअघि मात्रै एमाले प्रवेश गरेका थिए ।
प्रधान नेपाल उद्योग वाणिज्य महासंघका पूर्वउपाध्यक्ष हुन् । महासंघको गएको अधिवेशनमा चन्द्रप्रसाद ढकालसँग वरिष्ठ उपाध्यक्षमा पराजित भएका थिए ।
यसअघि, नेपाली कांग्रेसमा आबद्ध रहेका उनी महासंघमा चुनाव हारेपछि एमाले प्रवेश गरेका थिए । एमाले पार्टी प्रवेशलगत्तै उनलाई सरकारी नियुक्ति मिलेको हो ।
पर्यटनमन्त्रीस्तरीय निर्णयबाट मंगलबार प्रधानलाई चार वर्षका लागि सञ्चालकमा नियुक्त गरिएको हो ।
प्रकाशित मिति: मंगलबार, चैत २४, २०७७ १६:१०
प्रतिक्रिया दिनुहोस्