काठमाडौं । अर्थ मन्त्रालयले आर्थिक वर्ष ०७८/०७९ का लागि सरोकारवालाबाट सुझाव माग गरेको छ ।

मन्त्रालयले सर्वसाधारणसहित विभिन्न संघ–संस्था, वुद्धिजीवी, विज्ञ, राजनीतिक दल, व्यवसायी, समाजसेवी, पेसाकर्मी, कर्मचारी, सञ्चारजगतबाट सुझाव माग गरेको हो ।

मन्त्रालयले आगामी आवको बजेट तर्जुमासम्बन्धी काम सुरु भएको जनाएको छ । जसका लागि बजेटमा समावेश गरिनुपर्ने नीति तथा कार्यक्रमका सम्बन्धमा आउँदो वैशाख ५ गतेसम्म सुझाव पठाउन सकिने बताइएको छ । उल्लेखित व्यक्ति तथा संस्थाबाट प्राप्त सुझाव संकलन गरी अर्थको बजेट मस्यौदा लेखन टोलीले समावेश गर्नेछ ।

बजेटमा सुझाव अर्थको वेबसाइटबाट दिन सकिन्छ । अर्थको ‘बजेट सजेसन ट्याब’ तथा इमेलबाट सुझाव पठाउन सकिन्छ ।