काठमाडौं । नेपाल–पाकिस्तानबीच भएका व्यापारिक कठिनाइएका विषयमा छलफल भएको छ । नेपाल चेम्बर अफ कमर्स र नेपालका लागि पाकिस्तानका राजदूत हैदर साहबीच बिहीबार छलफल भएको हो ।
छलफलामा चेम्बर अध्यक्ष राजेशकाजी श्रेष्ठले नेपालमा जलविद्युत, पर्यटन, कृषि, जडीबुटी, खानीलगायतका क्षेत्रमा लगानीकर्ता आकर्षित गर्न राजदूतलाई आग्रह गरे । चीनले नेपाललाई आठ हजार वस्तुहरूमा दिएको भन्सार सुविधाका कारण पनि नेपालमा लगानीको उपयुक्त वातावरण रहेको उनले बताए । व्यावसायिक वातावरण विस्तार गर्न नेपाली र पाकिस्तानी व्यवसायीबीच ‘बायर्स—सेलर्स मिट’ गर्न उनले प्रस्ताव गरे ।
राजदूत साहले नेपालसँग विभिन्न क्षेत्रमा सम्बन्ध स्थापित गर्न चाहिरहेको भन्दै चेम्बरजस्ता निजी क्षेत्रका संस्थाहरूले उल्लेखनीय भूमिका निर्वाह गर्न सक्ने बताए । नेपालमा लगानीका सम्भावना र प्रमुख लगानी क्षेत्रबारे उनले चासो राखेका थिए ।
