काठमाडौं । क्लासिक लिजेन्ड्सको आधिकारिक वितरक अग्नि ग्रुपको सहायक कम्पनी अग्नि मोटो इंकले सबै शोरुममा जावा पेराक उपलब्ध रहेको जनाएको छ । यो बाइक बीएस–सिक्स इन्जिनयुक्त रहेको छ ।
यो बाइकको टेस्ट राइड काठमाडौं, बिर्तामोड, धरान, इटहरी, विराटनगर, लहान, पोखरा, नारायणघाट, बुटवल र भैरहवा शोरुमबाट गर्न सकिने कम्पनीले जनाएको छ ।
जावा मोटरसाइकल नेपालमा गएको असोज २७ गते सार्वजनिक गरिएको थियो । अग्नि मोटो इंकले नेपालको बजारमा सबैभन्दा धेरै चर्चित र पर्खाइ रहेको जावा पेराक ल्याई नेपालका आफ्ना शाखा र डिलर भएको स्थानमा उपलब्ध गराइएको जनाएको छ ।
जावा पेराक बीएस–सिक्स ३३४ सीसी, सिंगल सिलिन्डर, लिक्विड–कुल्ड डीओएचसी इन्जिनसहित आएको छ । यसले ३० एचपी पावर र ३२ एनएम टर्क उत्पन्न गर्न सक्षम रहेको कम्पनीले जनाएको छ ।
स्टाइलअनुसार पेराक बबर बाइक रहेको कम्पनीले जनाएको छ । पेराकको अगाडि सस्पेन्सनका लागि टेलिस्कोपिक फ्रन्ट फोर्क्स र पछाडि मोनोसक सस्पेन्सन रहेको जनाइएको छ । दुवै पांग्राहरुमा सिंगल डिस्क ब्रेक रहेको छ ।
जावा पेराकको सुरुवाती मूल्य ७ लाख ५० हजार रुपैयाँ रहेको कम्पनीले जनाएको छ । जावा नेपालका महाप्रबन्धक शरद मिश्रले पेराक नेपाली बजारमा सफल हुने विश्वास व्यक्त गरे ।