काठमाडौं । कोभिड-१९ विरुद्धको दोस्रो चरणअन्तर्गतको पहिलो लट खोप ६० वर्षमाथिका नागरिकले पाउने भएका छन् । 

सरकारले फागुन २३ गतेदेखि ६० वर्षमाथिका नागरिकलाई खोप दिने निर्णय गरेको हो । स्वास्थ्य तथा जनसंख्या मन्त्रालयमा बुधबार बसेको इन्सिडेन्ट कमान्ड सिस्टमको बैठकले २३ फागुनदेखि ६० वर्षमाथिका नागरिकलाई कोभिड १९ विरुद्धको खोप दिने निर्णय गरेको हो ।

मन्त्रालयको तथ्यांकमा ६० वर्षमाथिका खोप लिने नागरिक करिब २७ लाख छन् । यो वर्गलाई खोप दिन उमेर खुल्ने परिचयपत्रलाई आधार मानिने मन्त्रालयले जनाएको छ । पहिलो चरणअन्तर्गत माघ १४ गतेदेखि सुरु भएको कोभिड १९ विरुद्धको खोप अभियानमा पहिलो र दोस्रो लट गरी मंगलबारसम्म दुई लाख ६३ हजार ४८ जनाले खोप लिएको मन्त्रालयको तथ्यांक छ ।