काठमाडौं । हनुमान ढोका दरबार क्षेत्रमा सवारीसाधन पार्किङ र फुटापाथ व्यापारमा रोक लगाइएको छ । फुटपाथ व्यापारले र जथाभावी सवारीसाधन पार्किङले दरबार क्षेत्र अस्तव्यस्त भएको भन्दै रोक लगाइएको हो ।
दरबार क्षेत्र संरक्षण सशस्त्र प्रहरी, नेपाल प्रहरी, ट्राफिक प्रहरी, नगर प्रहरी पर्यटन, सेना, पुरातत्त्व विभाग, सम्पदा अभियन्ता र स्थानीयको सहकार्यमा यस्तो निर्णय गरिएको हो ।
सम्पदा संरक्षणकर्मी गणपतिलाल श्रेष्ठका अनुसार हनुमानढोका दरबार क्षेत्रमा व्यवस्थापन र संरक्षण कार्यको थालनी भएको बताए । ‘‘अबदेखि हनुमानढोका दरबार क्षेत्रमा जथाभावी फोहोर गर्न पाइने छैन । अत्यावश्यक सवारीसाधनबाहेक अरु पार्किङ गर्न पाइने छैन,” उनले भने, ‘‘धार्मिक पुरातात्त्विक महत्त्वको दरबार क्षेत्र कोरोना महामारीसँगै अस्तव्यस्त हुन पुगेको थियो ।”
यसअघि पनि पटक-पटक प्रतिबन्ध लगाइए पनि प्रभावकारी हुन सकेको थिएन ।
