काठमाडौं । नेकपा ओली समूहका केन्द्रीय सदस्य तथा शिक्षामन्त्री कृष्णगोपाल श्रेष्ठले लोकतन्त्र, गणतन्त्र, संविधान संकटमा रहेकाले त्यसको रक्षाका लागि सडकमा उत्रिएको जिकिर गरेका छन् ।

शुक्रबार नारायणहिटी गेटअघि भएको सभामा बोल्दै उनले ताजा जनादेशमा जानुको विकल्प नभएको पनि बताए । उनले ओली नेतृत्वको पार्टी सक्कली पार्टी भएको दाबी गरे ।

श्रेष्ठले प्रचण्ड–नेपाल समूहका नेताहरुलाई ‘मयूरका प्वाँख लगाएका काग’को संज्ञा दिए । “नेपालको ओरिजिनल कम्युनिस्ट पार्टी यहाँ बसिरहेका छौँ । मयूराका प्वाँख लगाएका कागहरु हाम्रो समूहबाट बाहिर गइसके । धेरै समय मयूरका प्वाँख लगाएका कागहरुले धेरै झुक्याए । सबैले थाहा पाए, हामी यहाँ छौँ भनेर लेखेर नक्कली कम्युनिस्टहरु माइतीघरमा पुगेछन्,’’ उनले भने ।

तस्बिरः हरिशजंग क्षेत्री/बाह्रखरी ।