काठमाडौं । नेपाली सेनाका बख्तरबन्द गाडीले चक्रपथ परिक्रमा गरेका छन् । सीतापाइलाको युद्धकवच गणका ड्राइभरले ती बख्तरबन्द गाडी राति १० बजे चक्रपथको एक फन्को लगाएका हुन् । 

सेनाको नियमित अभ्यासअनुसारै ती गाडीले चक्रपथको परिक्रमा लगाएको सैनिक जनसम्पर्क निर्देशनालयले जनाएको छ । बख्तरबन्द अर्थात् हातहतियारसहितको सैन्य सवारीसाधनको नियमित अभ्यास गरिएको सेनाका प्रवक्ता सन्तोषबल्लभ पौडेलले जानकारी दिए ।

उनका अनुसार यसअघि पनि हरेक साता दुई दिनजस्तो ड्राइभरहरुले अभ्यास गरिरहन्थे । गाडीको अवस्था र आफ्ना साधनको प्रयोगमा चालकको आत्मविश्वास जगाउन पनि सेनाले यसप्रकारका नियमित अभ्यास गर्दै आएको जनाएको छ ।
हेरौं थप तस्बिर :