काठमाडौं । अन्तर्राष्ट्रिय व्यापारका प्रक्रियामा कागजी युगको अन्त्य भएको छ । भन्सार दिवसको अवसरमा मंगलबार अर्थमन्त्री विष्णुप्रसाद पौडेलले नेपाल राष्ट्रिय एकद्वार प्रणालीको सुरूवात गरे । प्रणाालीले आयात तथा निर्यातका लागि आवश्यक कागज बुझाउन तथा सरोकारवाला निकायको निर्णय गर्न भौतिकरूपमा सरकारी कार्यालय जानुपर्ने अवस्था अन्त्य गर्छ ।
प्रणाली अन्तर्गत वेब इन्टरफेसमा रहेको सार्वजनिक पोर्टलबाट व्यापारका औपचारिक र प्रक्रिया, उत्पादनको हर्मोनाइज्ड सिस्टम कोड र करलगायत सूचना प्राप्त गर्न सकिन्छ ।
प्रणालीअन्तर्गत व्यापारीले कागजात स्क्यान गरेर अनलाइन अपलोड गर्न सकिन्छ र सरकारी अनुमति तथा निर्णय सोही माध्यमबाट फिर्ता पाउन सकिन्छ ।
प्रणालीले व्यापार प्रक्रिया निकै छोटो बनाउने बताइएको छ भने लागत १५ देखि २० प्रतिशतले घट्ने दाबी गरिएको छ ।
प्रणालीको विकास यूएईको वेब फोन्टेनले गरेको हो ।
प्रत्येक वर्ष २६ जनवरीमा संसारभर भन्सार दिवस मनाइन्छ । यसपटकको भन्सार दिवस ६९ औं संस्करण हो ।
