काठमाडौं । मन्त्रिपरिषद् बैठकले विश्वराज पोखरेललाई एआईजीमा बढुवा गरेको छ । यसअघि डीआईजी रहेका पोखरेललाई अप्रेसन विभाग प्रमुख बनाउँदै एआईजीमा बढुवा गरिएको एक मन्त्रीले जानकारी दिए ।

बुधबार बसेको संसद्को राज्य व्यवस्था समितिले एआईजीमा दरबन्दी नथप्न निर्देशन दिएको थियो । तथापि, सरकारले निर्णय गरेको हो ।

बिहीबार बसेको नियमित मन्त्रिपरिषद् बैठकले मणिराम गेलाललाई सचिव नियुक्त गरेको ती मन्त्रीको भनाइ छ । 

यसैबीच, आजको मन्त्रिपरिषद बैठकले सह–सचिव दिनेश घिमिरेलाई चीनको छेन्दुमा महावाणिज्यदूतमा नियुक्त गरेको छ।