एजेन्सी । जर्मनीका स्वास्थ्यमन्त्री जेन्स स्फाहनले आगामी महिनाहरुमा कोरोना भाइरसको खोप उपलब्ध हुनेमा आशावादी रहेको बताएका छन् ।
स्वास्थ्यमन्त्री स्फाहनले जेडडीएफसँगको कुराकानीमा भने, "सम्भवत: आगामी महिनाहरुमा कोरोनाविरुद्धको खोप उपलब्ध हुनेछ र निश्चित रुपमा आगामी वर्ष खोप लगाउन सकिनेछ ।"
उनले खोप उपलब्ध हुने यही महिनामा खोप उपलब्ध हुने भनेर यकिन गर्न भने अस्वीकार गरे । "कति मानिसहरूले खोप लिन आवश्यक पर्छ वा यो रोग प्रतिरोधात्मक क्षमता कति लामो समयसम्म रहन्छ भनेर भन्न सकिन्न," उनले भने ।
"तर एउटा कुरा हामी भन्न सक्छौं कि हामी सबै अनुसन्धानकर्ताहरू, वैज्ञानिकहरू, जनता मिलेर काम गरिरहेका छौं," उनले भने, "सम्भवत: हामीसँग मानव इतिहासमै विभिन्न खोपमध्ये सबैभन्दा चाँडो कोरोनाविरुद्धको खोप उपलब्ध हुनेछ ।"
जर्मनीमा कोरोना संक्रमितको संख्या दुई लाख २० हजारभन्दा बढी पुगेको छ भने ९ हजार २६८ संक्रमितको मृत्यु भएको छ । हालसम्म एक लाख ९८ हजार कोरोना संक्रमित निको भएका छन् । -अलजजिरा