काठमाडौं । हेल्थ एन्ड हाइजिन प्रोडक्टले अन्तर्राष्ट्रिय महिनावारी स्वास्थ्य दिवसका अवसरमा नेपालमा नयाँ सेनेटरी प्याड ब्रान्ड ‘प्याडिलक्स’ सार्वजनिक गरेको छ । कम्पनीले सरकारले गरेको बन्दाबन्दीको पूर्ण पालना गरी अनलाइन माध्यमबाट बिहीबार उक्त नयाँ ब्रान्ड सार्वजनिक गरेको जनाएको छ । 

मिस नेपाल २०१८ तथा महिला स्वास्थ्यकी अभियान्ता शृंखला खतिवडाले बिहीबार प्याडिलक्स ब्रान्डका सेनेटरी प्याड सार्वजनिक गरेको कम्पनीले जनाएको छ । प्याडिलक्समा उच्च गुणस्तरको ‘जेल’, नरम र मुलायम सामग्री तथा चुहावट रोक्न ‘विंग्स’ प्रयोग गरिएको कम्पनीले जनाएको छ । 

बजारमा प्याडिलक्स ‘प्याडिलक्स अल्ट्रा’, ‘प्याडिलक्स कम्फर्ट’ र ‘प्याडिलक्स रेगुलर’ गरी तीन भेरियन्टमा उपलब्ध हुने कम्पनीले जनाएको छ । २४० एमएम, २८० एमएम र ३२० एमएम गरी तीनवटा साइजमा पाइने प्याडिलक्सको बजार मूल्य ४० देखि १०० सम्म तोकिएको छ । कम्पनीले जनाएको छ ।