site stats
बाह्रखरी :: Baahrakhari
खेल
Global Ime bankGlobal Ime bank
प्रधानमन्त्री कप : पुलिसको लगातार तेस्रो जित

काठमाडौं । प्रधानमन्त्री कपमा नेपाल पुलिस क्लबले लगातार तेस्रो जित निकालेको छ ।

पुलिसले शुक्रबार दाङको देउखुरी क्रिकेट रंगशालामा सम्पन्न रोमाञ्चक खेलमा अर्को विभागीय टोली एपीएफ क्लबविरुद्ध दुई विकेटको जित निकालेको हो ।

खेलमा एपीएफले प्रस्तुत गरेको ९५ रनको लक्ष्य पुलिसले २६.२ ओभरमा आठ विकेट गुमाएर पूरा गर्‍यो ।

पुलिसको जितमा कुशल भुर्तेलले दुई चौकासहित ३१ रन प्रहार गरे । गुल्सन झाले १२, अर्जुन साउदले ११ र राशिद खानले १० रन जोडे ।

एपीएफमा भुवन कार्कीले तीन विकेट लिए । अभिषेक गौतम र रोहित पौडेलले समान दुई विकेट लिए । यस्तै, कमलसिंह ऐरीको नाममा एक विकेट रह्यो ।

त्यसअघि टस जितेर ब्याटिङमा आएको एपीएफले २७.४ ओभरमा सबै विकेट गुमाएर ९४ रन बनाएको थियो ।

एपीएफका सन्दीप जोराले सर्वाधिक २७ रन बनाए । लोकेश बमले २२ रन थप्दा आसिफ शेख र अमर राउटेलाले समान १० रन जोडे ।

एपीएफलाई सस्तैमा समेट्न पुलिसका ललित राजवंशीले ६ विकेट लिए । ७.४ ओभर बलिङ गरेका ललितले तीन मेडन फ्याक्दै १८ रन खर्चिए । यस्तै, सागर ढकाल, करण केसी, गुल्सन झा र कुशल भुर्तेलले समान एक विकेट लिए ।

प्रतियोगितामा अपराजित पुलिस तीन खेलबाट ६ अंक जोड्दै तालिकाको दोस्रो स्थानमा उक्लिएको छ । समान खेलबाट चार अंक जोडेको एपीएफ तालिकाको तेस्रो स्थानमा छ ।

Laminar Tiles Banner adLaminar Tiles Banner ad
प्रकाशित मिति: शुक्रबार, चैत १, २०८१  १६:१६
worldlinkworldlink
प्रतिक्रिया दिनुहोस्
Kitchen Concept AdvertisementKitchen Concept Advertisement
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
Shivam Cement DetailShivam Cement Detail
Hamro patroHamro patro