काठमाडौं । महामारीका रूपमा फैलिएको कोरोना भाइरसका कारण हाल विश्वभर हुने खेलकुद प्रतियोगिताहरू पनि स्थगित छन् । जापानमा हुने टोकियो ओलम्पिकदेखि युरोपियन फुटबल लिगहरू पनि स्थगित छन् । नेपालमा हुने भनिएको घरेलु फुटबल तथा क्रिकेटका लिगहरू स्थगित छन् ।
यस्तो अवस्थामा धेरै खेलाडी घरमै प्रशिक्षण गरिरहेका छन् । सबै खेलाडी सेल्फ क्वारेन्टाइनमा छन् । नेपाली खेलाडीहरू पनि यतिबेला सेल्फ प्रशिक्षणमा छन् । भने धरै खेलाडी प्रशिक्षण स्थल राम्रो नभएकाले वर्क आउटमै समय बिताइरहेका छन् । कतिपय खेलाडी आफ्नो परिवारसँग घुलमिलमा व्यस्त छन् । उनीहरू परिवारसँग रमाइलो गर्दै बसिरहेका छन् । खेलको समयमा परिवारलाई समय दिन नसकेका खेलाडीहरूले यतिबेला परिवारलाई समय दिरहेका छन् ।
नेपाली राष्ट्रिय क्रिकेट टोलीका कप्तान ज्ञानेन्द्र मल्लको दैनिकी पनि यसरी नै बितिरहेको छ ।
ज्ञानेन्द्रको दैनिकी
घरमै बसिरहेको छु । क्रिकेट त धेरै मिस हुन्छ । त्योभन्दा पहिला मानिसको स्वास्थ्य नै सबैभन्दा ठूलो कुरा हो । पहिला क्रिकेटले गर्दा परिवार मिस हुन्थ्यो । अहिले परिवारसँग राम्रोसँग समय बिताइरहेको छु ।
बिहान उठेर पूजा गर्छु । सरसफाइ गर्ने चिया बनाउने खाने । छोरीसँग समय बिताउने । फूलमा पानी हाल्ने गर्छु । पहिले समय नभएर घरको मेन्टेन गर्न सकेको थिएन अहिले भने यसमै आफूलाई व्यस्त बनाएको छु ।
एक समय छोरीसँग खेलेर बित्छ । अर्काे समय सबै परिवार भएर बसेर टीभी हेर्नेलगायत काम पनि हुन्छन् । यो समयमा खाजा बनाउने पनि गरिरहेको छु । टिमका सहकर्मीहरूसँग खासै कुराकानी भएको भने छैन । कहिलेकाहीं ग्रुपमा के छ कस्तो छ भन्ने कुराकानी हुन्छ ।
ज्ञानेन्द्रको सन्देश
लकडाउनको समयमा सबैले यसलाई जिम्मेवारी रूपमा पालना गर्नुपर्छ । मानिसको स्वास्थ्य अहिलेको अवस्थामा सबैभन्दा प्राथामिकतामा राख्न जरुरी छ । संसारका धेरै ठूला राष्ट्रहरू पनि यो समस्यामा छन् । बाहिरबाट आएका मानिसहरू पनि क्वारेन्टाइनमा बसिदिनु होला । सबैजना घरमै बस्नुहोला । सरकाले तोकेको मापदण्डहरू फलो गर्न अग्रह गर्दछु ।