काठमाडौं । भारतको कर्णाटक राज्यका पूर्व लोकायुक्त वाई भाष्कर रावविरुद्ध भ्रष्टाचारको मुद्दा दायर गरिएको छ । उनका छोरासमेत संलग्न भएको जबर्जस्ती असुली गर्ने गिरोहका पक्षमा रावले काम भ्रष्टाचार गरेको आरोप लगाइएको समाचार दी टाइम्स अफ इन्डियाले बिहीवार दिएको छ । 

रावले कर्मचारीलाई प्रभावमा पारेर प्रमाण मेटाउन र अपराधीलाई उम्काउन मिलेमतो गरेको अभियोग लगाइएको छ । राव उच्च अदालतका पूर्व मुख्य न्यायाधीश हुन् ।

रावका छोराले जबर्जस्ती असुली गर्ने गिरोहको सञ्चालन लोकायुक्तकै कार्यालयबाट गर्दैआएका थिए । जनता आजित भएपछि रावको चर्को विरोध भएको र उनलाई पदमुक्त गरिएको समाचारमा उल्लेख गरिएको छ ।