बग्दाद । इराक प्रहरीले गोली र अश्रु ग्यास प्रहार गर्दा दुईजनाको मृत्यु भएको छ भने सयौं घाइते भएका छन् । राजधानी बगदादस्थित सरकारको विरोधमा जम्मा भएका हजारौं मानिसमाथि इराक प्रहरीले गोली चलाएको थियो ।
बिहीबार रातिदेखि नै प्रदर्शन हुनसक्ने सम्भावना देखिएकोले सुरक्षा व्यवस्था कडा पारिएको थियो । अक्टोबरको सुरुवातदेखि नै बेरोजागारी, गरिबी बढेको भन्दै सरकारविरुद्ध प्रदर्शन थालिएको थियो ।
प्रदर्शनकारीहरुले उच्च बेरोजगारी, गरिबी, सार्वजनिक सेवाको समस्या, भ्रष्टाचार, राजनीतिक नेताहरुले दिने झुठा आश्वासनलगायतका समस्याहरु समाधान गर्नुपर्ने माग गर्दै प्रदर्शन गरेका छन् । शुक्रबार इराक प्रहरीले शुक्रबार बिहान अश्रु ग्यास प्रहार गरेको थियो । प्रदर्शनकारीहरुले अमेरिकी दूतावास र इराकी सरकारी कार्यालय भएको ग्रिन जोनमा प्रवेश गर्न थालेपछि प्रहरीले गोली चलाएको थियो ।
इराकी जनता इराकमा आर्थिक संकट चरम भएको र पानी तथा बिजुलीजस्ता अत्यावश्यक वस्तु पनि पुर्याउन नसकेपछि सरकारवरुद्ध सडकमा उत्रिएका थिए । यसवर्षको सुरुवातमा भएका केही प्रदर्शनका क्रममा १४९ जना प्रदर्शनकारीले ज्यान गुमाएका थिए ।
अलजजिरा