प्रहरीसम्बन्धी विधेयक संघीयता विरोधी छैनः गृहमन्त्री थापा

प्रहरीसम्बन्धी विधेयक संघीयता विरोधी छैनः गृहमन्त्री थापा

काठमाडौं । गृहमन्त्री रामबहादुर थापाले नेपाल प्रहरी र प्रदेश प्रहरीले सम्पादन गर्ने कार्यको सञ्चालन, सुपरिवेक्षण र समन्वय सम्बन्धमा व्यवस्था गर्नका लागि संसदमा पेस भएको विधेयक संघीयता विरोधी नभएको जिकिर गरेका छन् । प्रतिनिधिसभाको मंगलबार बसेको बैठकमा विधेयकमाथिको सैद्धान्तिक छलफलका क्रममा सांसदहरुले विधेयक संघीयता विरोधी भएको भन्दै आपत्ति जनाएपछि गृहमन्त्री थापाले यस्तो बताएका हुन् । 
‘‘संघीयताविरुद्ध सरकारको कुनै नियत छैन । सरकार संघीयता कार्यान्वयनको पक्षमा नै छ,’’ सांसदहरुले बैठकमा उठाएका प्रश्नको जवाफमा उनले भने, ‘‘कानुनको निर्माता सरकार हुन सक्दैन । कानुनलाई सदनले नै निर्माण गर्ने हो । यो सरकारको प्रस्तावमात्रै हो । सरकारले विधेयक ल्याउने दायित्व पूरा गरेको छ ।’’
गृहमन्त्री थापाले संसदमा प्रस्तुत विधेयक आफैमा पूर्ण नभएको स्वीकार गर्दै संसदले परिमार्जन गर्न सक्ने बताए । ‘‘विधेयक पूर्ण छ र यसमा कुनै त्रुटी छैन भनेर सरकारले दाबी गर्दैन । विधेयक संघीयता विरुद्ध जाने जस्तो लाग्छ भने सच्याउने काम सदनको हो । कानुन बनाउने दायित्व सदनको हो ।’’
संघीयता युगान्तकारी उपलब्धि भएको जिकिर गर्दै उनले संघीयताको रक्ष ागर्ने दायित्व जनप्रतिनिधिहरुको भएको प्रष्ट पारे । संघीयता सबै देशहरुमा समान प्रकारको नहुने दाबी गर्दै गृहमन्त्री थापाले नेपालको संघीयताको परिकल्पना अन्य कुनै पनि मुलुकसँग नमिल्ने पनि बताए । उनले नेपालको संघीयताको मौलिकता फरक प्रकृतिको भएको बताउँदै संघीयता कार्यान्वयन गर्ने क्रममा मौलिकतालाई ध्यान दिनुपर्नेमा जोड दिए । 
 


प्रतिकृया दिनुहोस

संबन्धित समाचार

प्रहरीमाथि नै गोली चलाएपछि भक्तपुरमा इन्काउन्टर गरिएको हो: गृहमन्त्री थापा

काठमाडौं । गृहमन्त्री रामबहादुर थापा ‘बादल’ले भक्तपुर इन्काउन्टरमा मारिएका अजय तामाङ र गोपाल तामाङको विषय गम्भीर भएको बताएका छन् ।

हजयात्री दोब्बर बनाउने प्रयास छः गृहमन्त्री थापा

काठमाडौँ, रासस । गृहमन्त्री रामबहादुर थापाले नेपालबाट हज गर्न मक्का जाने हजयात्रीको सङ्ख्या दोब्बर पार्ने सरकारको प्रयास जारी रहेको बताएका

अप्रत्यासित जोखिमबाट बच्ने र बचाउने उत्तम उपाय नै सुरक्षित भवन : गृहमन्त्री थापा

काठमाडौं । गृहमन्त्री रामबहादुर थापा ‘बादल’ले सुरक्षित भवन नै अप्रत्यासित जोखिमबाट बच्ने र बचाउने उत्तम उपाय भएको बताएका छन् ।

सबै क्षेत्रको सिन्डिकेट हट्छ : गृहमन्त्री थापा

काठमाडौँ । गृहमन्त्री रामबहादुर थापाले यातायात क्षेत्रको जस्तै अरु क्षेत्रको पनि आलोपालो प्रणाली सिण्डिकेट चाँडै अन्त्य गरिने बताएका छन्।  नेपाल सार्वजनिक