काठमाडौं । शिक्षा, विज्ञान तथा प्रविधि मन्त्री गिरीराजमणि पौडेलले डा. गोविन्द केसीको पछिल्लो मागका बारेमा आफूले बोल्न नमिल्ने बताएका छन् । बिहीबार बिहान बाह्रखरीसँगको कुराकानीमा उनले संक्षिप्त टिप्पणी गर्दै भने, “उहाँको बारेमा संसदले गरेको काम हो । मैले बोल्न मिल्दैन । अरु कुनै विषयबारेमा काम परेमा सम्पर्क गर्नु होला ।” 

डा. केसी आफ्ना माग पूरा नभएको भन्दै गएको बुधबारदेखि इलाममा गएर अनशन बसिरहेका छन् ।  उनको स्वास्थ्य अवस्था झन्झन् नाजुक बन्दै गएको उपचारमा संलग्न चिकित्सकले बताएका छन् ।  पहिला सहमति गरिएका माग अहिले पूरा नगरिएको भन्ने डा.केसी पक्षधरको गुनासो रहेको छ । डा. केसीका मागका बारेमा मुख्य सरोकारवाला मन्त्रालय शिक्षा मन्त्रालय हो ।