बाह्रखरी । प्रधानसेनापति पूर्णचन्द्र थापा सुर्खेतस्थित उत्तर पश्चिम पृतना मुख्यालय र महेन्द्रनगरस्थित नं.२५ बाहिनी अड्डाको निरीक्षण भ्रमण सम्पन्न गरी काठमाडौं फर्केका छन् । उनले बुधबार सुदुरपश्चिममा रहेका पृतना, बाहिनी र गणको निरीक्षणमा निस्केका थिए । 

निरीक्षण भ्रमणको क्रममा प्रधानसेनापति थापाले पृतना मुख्यालय र बाहिनी अड्डाको स्थलगत बस्तुस्थिति, तालिम, बन्दोबस्तीलगायत अन्य विविध पक्षबारे जानकारी हासिल गर्नुको साथै सकलदर्जालाई सम्बोधन गरेका थिए । उनले बुधबार सुदुर पश्चिम पृतना मुख्यालय दिपायलको निरिक्षण गरेका थिए ।