काठमाडौं । प्रधानमन्त्री केपी शर्मा ओलीले टीकाको दोस्रो दिन शनिबार एचआईभी संक्रमित बालबालिकालाई टीका लगाइदिएका छन् । शिक्षा सदन कीर्तिपुर, भत्केपाटीमा आश्रय लिइरहेका २३ बालबालिकालाई बालुवाटारमा बोलाएर टीका र दसैँको फूल–प्रसाद दिइएको प्रधानमन्त्रीको सचिवालयले जानकारी दिएको छ ।

आमाबाबुका कारण जन्मँदै एचआईभी संक्रमित हुन अभिशप्त बालबालिकाले गायनलगायत विभिन्न विधाका कलाहरु प्रस्तुत गरेको प्रधानमन्त्री कार्यालयले जानकारी दिएको छ । सोही अवसरमा प्रधानमन्त्री ओलीले बालबालिकाको अध्ययनको अवस्था, उनीहरूका आवश्यकताका बारेमा विद्यालयका शिक्षकहरूसँग चासो राखेका र सहयोगको वचनसमेत दिएका थिए ।