काठमाडौं । जनता समाजवादी पार्टीका अध्यक्ष महन्थ ठाकुर पक्षले अनुसूची अनुसार प्रक्रिया पुर्याउनका लागि निर्वाचन आयोगसँग मागेको थप समय आज सकिएको छ । निर्धारित समयमा ठाकुर पक्ष आयोगमा नपुगेपछि आयोगले एक पक्षले अर्को अध्यक्षसहितलाई गरेको कारबाही हटाएको अभिलेखिकरण गर्न सकिने निर्णय गरेको छ । उसले राजनीतिक दलसम्बन्धी ऐनको दफा ५१ अनुसार अभिलेखिकरण गर्न नसकिने भन्दै दफा ४३ अनुसार आउन भनेको छ ।

ठाकुर पक्षले आज आयोगलाई भोलिसम्म अनुसूची अनुसार आउने सूचना पठाएको थियो । तर, तोकिएको तीन दिनभित्र नआएको र आफूले मागेको समयभित्र नआएको भन्दै आयोगले ठाकुरपक्षले पुनः मागेको समय दिन अस्वीकार गरेको हो ।

“उहाँहरूले फेरि थप समय माग्नुभएको थियो । समयवधिभित्र नआएकाले थप समय दिएनौँ । निर्णय गर्‍यौँ,” आयोगका एक अधिारकारी भने । 

यस्ताे छ आयाेगले गरेकाे निर्णय