काठमाडौं । नेपाल धितोपत्र बोर्डले नेपाल राष्ट्र बैंकको जस्तै आफ्नो संरचना र बजार सञ्चालन गर्ने भएको छ । बोर्ड अध्यक्ष भिष्मराज ढुंगानाले २९औँ वार्षिकोत्सवको अवसमा सम्बोधन गर्दै छुट्टै ऐनको लागि प्रक्रिया सुरु गरिएको बताए ।
राष्ट्र बैंकको आफ्नो संरचनाको लागि नेपाल राष्ट्र बैंक ऐन र बैंक तथा वित्तीय संस्थाको लागि बैंक तथा वित्तीय संस्थासम्बन्धी ऐन रहेको छ । बोर्डले पनि सोहीअनुसारको बोर्ड सञ्चालनको लागि शक्तिशाली ऐन र बजार सञ्चालनको लागि छुट्टै ऐनको तयारी गरेको उनले बताए ।
उनले धितोपत्रको प्राथमिक र दोस्रो बजार विस्तार भएको र जसबाट राज्यले उल्लेख्य रुपमा लाभकर प्राप्त गरेको बताए । सीडीएस एन्ड क्लियरिङ पुनःसंरचना गर्ने नेप्सेको सूचक गणना विधि सान्दर्भिक बनाइने उनले बताए ।