काठमाडौं । नेपाली कथानक चलचित्र ‘पुरानो डुङ्गा’को नयाँ गीत सार्वजनिक भएको छ । ‘निर जैले रिसाउने’ भाइरल भएपछि सोही चलचित्रको ‘माझी’ बोलको अर्को गीत सार्वजनिक गरिएको हो । 

चलचित्रको कथाबाट सुरु हुने गीतको बीचबीचमा पनि डुङ्गाको स्टोरी ल्पे गरिएको छ । डुङ्गाका लागि दाजु भाइले गरेको झगडा देखाइएको छ । 

गीतमा माओत्से गुरुङ, दयाहाङ राई, मेनुका प्रधानलगायतका कलाकार देखिन्छन् । 

गीतमा शब्द तथा संगीत दुवै कालिप्रसाद बासकोटाको रहेको छ । ‘नीर जैले रिसाउने पनि बास्कोटाकै शब्द तथा संगीतको गीत हो । 

मंसिर १० गते रिलिज हुने चलचित्र ‘पुरानो डुङ्गा’ को कथा रामबाबु गुरुङ र उपेन्द्र सुब्बाले लेखेका छन् भने निर्देशन रामबाबुले नै गरेका छन् ।