काठमाडौं । अमेरिकी राष्ट्रपतिमा रिपब्लिकन पार्टीका उमेदवार डोनाल्ड जे ट्रम्प विजयी हुने निश्चित भएपछि अन्तर्राष्ट्रिय बजारमा सुनको भाउ बढेको छ । अन्तर्राष्ट्रिय बजारमा बुधबार सुनको भाउ प्रतिऔंश ३५ डलर बढेर १ हजार ३१९ डलरमा कारोबार भएको छ । मंगलबार अन्तर्राष्ट्रिय बजारमा सुनको भाउ प्रतिऔंश १ हजार २८४ डलरमा कारोबार भएको थियो । अमेरिकी राष्ट्रपतिमा ट्रम्प विजयी हुने निश्चित भएपछि सुनको भाउ बढेको नेपाल सुनचाँदी व्यवसायी संघका पूर्वअध्यक्ष तेजरत्न शाक्यले बताए । अन्तर्राष्ट्रिय बजारको असर नेपाली सुन बजारमा पनि परेको उनले जानकारी दिए ।

संघका अनुसार बुधबार नेपाली बजारमा सुनको भाउ प्रतितोला १ हजार ३ रुपैयाँ बढेर ५८ हजार २ सय रुपैयाँ पुगेको छ । मंगलबार प्रतितोला ५६ हजार ९ सय रुपैयाँ थियो ।