काठमाडौं । चलचित्र ‘द विनर’ ले सोलो रिलिजको अवसर पाएको छ । शुक्रबार नै प्रदर्शनमा आउने भनिएको ‘द फेमस’ रिलिज हुन नसकेपछि ‘द विनर’ ले सोलो रिलिजको अवसर पाएको हो । 

सेन्सर समयमा हुन नसकेपछि ‘द फेमस’ निर्धारित मितिमा  प्रदर्शनमा आउन नसकेको हो ।

अष्ट्रेलिया, दुबई र नेपालमा छायाँकन गरिएको ‘द विनर’  बलिउड र हलिउडको झल्को दिने भन्दै प्रचार गरिएको चलचित्र हो । 

हिक्मत बिष्टले निर्देशन गरेको ‘द विनर’ मा पूर्व मिस नेपाल मलिना जोशी, महेशमान श्रेष्ठ, मन्चिन शाक्य, रेशु तामाङ, राजकुमार पन्तलगायतका कलाकारले अभिनय गरेका छन् । 

‘द विनर’ को निर्माण पक्षले यसको सिक्वेल ‘द विनर-२’ निर्माणको औपचारिक घोषणा गरिसकेको छ ।