काठमाडौं । अष्ट्रेलियाको लिबरल पार्टीकी नेतृ जिंग लीले अष्ट्रलिया नेपालको पर्यटन प्रवद्र्धनका लागि सहयोग गर्न तयार रहेको बताएकी छन् । नेपाल भ्रमणमा रहेकी उनले जीवनबहादुर शाहीसँगको भेटमा सांसद् लीले अष्ट्रेलिया नेपालको पर्यटन क्षेत्रको विकासका लागि सहयोग गर्न तयार रहेको बताएकी हुन् । 

“नेपालमा भूकम्प गएपछि उहाँको पर्यटन खस्किएको छ भन्ने सुनेर म यहाँ आएकी हुँ,” उनले भनिन्,“सुनेको भन्दा यहाँ मैले फरक देखेँ केही सम्पदामा क्षती पुगेपनि समाचारहरुमा आएजस्तो मैले पाइन । यो सन्देश विश्वभर फैल्याउनु पर्छ ।” 

आफू, आफ्नो पार्टी र अष्ट्रेलिया नेपालको विकासका लागि सँधै तयार रहेको भन्दै उनले नेपालमा पर्यटन प्रवद्र्धन र भूकम्पले पर्यटकीय क्षेत्र र सम्पदामा प्रचारमा आएजस्तो क्षति नपुगेको सन्देश दिन नै आफू नेपाल आएको लीले बताइन् ।  

भेटमा मन्त्री शाहीले अष्ट्रेलियाबाट नेपालले पर्यटनका लागि नेपाल सुरक्षीत गन्तब्य रहेको सन्देश विश्वभर फैल्याउन सहयोगको अपेक्षा गरेको बताए । उनले पर्यटकीय गन्तव्यमा भूकम्पले ठूलो क्षती नपुगेको र क्षति भएका भौतिक संरचना पनि पुनः निर्माणका क्रममा रहेको बताए । 

मन्त्री शाहीले लीको भ्रमणले द्विदेशीय कुटनीतिक सम्बन्धमा सुधार र विकासमासमेत दिदै आएको सहयोग रकममासमेत अष्ट्रेलियाले बृद्धि गर्ने विश्वास व्यक्त गरे ।  

आठ दिने भ्रमणका लागि शनिबार लीको नेतृत्वमा नेपाल आएको टोली पोखरा र चितवसमेत जाँदैछ । लीले विश्जवसम्पदा सूचीमा रहेका काठमाडौंका सबै धार्मिक तथा सांस्कृतिक सम्पदाको अवलोलक गरिसकेकी छिन् ।

लीको टोलीमा साउथ अस्ट्रेलियास्थित अवैतनिक वाणिज्यदुत दीपक धमला, गैरआवासिय नेपाली संघ साउथ अष्ट्रेलियाका सचिव नविन पन्तलगायत त्यहाँका उद्योगीसहित १० जना सहभागी छन् ।