काठमाडौं । रोयल इन्फिल्डको क्लासिक ३५० सिग्नल्स एडिसन नेपालमा सार्वजनिक भएको छ । नेपालका लागि आधिकारिक विक्रेता अल्फा अटोमोटिभले क्लासिक ३५० सिग्नल्स एडिसन सार्वजनिक गरेको हो ।

कम्पनीले ३५० सीसी इन्जिनको यो मोटरसाइकललाई रोयल इन्फिल्डको पुरातात्त्विक तथा पोस्ट वार जीटू मोडलको उत्प्रेरणा जगाउने मोटरसाइकल दाबी गरेको छ ।

मोटरसाइकलको नयाँ एयर आयल कुल्ड इन्जिनले सहज पावर डेलिभरी, बलियो टर्क र अत्यन्त परिष्कृत सवारी अनुभव प्रदान गर्ने कम्पनीको भनाइ छ ।

नयाँ एर्गोनोमिक्स, ग्रिप्स, रोटरी स्विच इन्फो स्विच र ओभल मास्टर सिलिन्डरलगायत विभिन्न फिचर बाइकमा उपलब्ध छन् ।

बाइकमा नयाँ पाइलट लाइट भएको हेडलाइट र नयाँ डिजाइनको टेललाइट तथा एकीकृत रिफ्लेक्टर रहेको कम्पनीले जनाएको छ ।

अगाडि ३०० एमएम डिस्क ब्रेकसँगै टिविन्स पिस्टन फ्लोटिङ क्यलिपर र पछाडी २७० एमएमको डिस्क ब्रेकसँग सिन्गल पिस्टन फ्लोटिङ क्यलिपर रहेको कम्पनीले जनाएको छ ।

यो बाइक रोयल इन्फिल्डको नेपालभरका २४ वटै सोरुममा उपलब्ध भइसकेको कम्पनीले बताएको छ । सिग्नल्स एडिसन डेजर्ट स्यान्ड र मार्स ग्रे कलरमा उपलब्ध छ ।