सहमतिको प्रयासमा सत्तापक्ष र प्रतिपक्ष, मस्यौदामा छलफल हुँदै

राजनीति

सहमतिको प्रयासमा सत्तापक्ष र प्रतिपक्ष, मस्यौदामा छलफल हुँदै

आइतबार, जेठ २५, २०८२

सहमतिको प्रयासमा सत्तापक्ष र प्रतिपक्ष, मस्यौदामा छलफल हुँदै

काठमाडौं । सत्तापक्ष र प्रतिपक्ष दल सहमतिको प्रयासमा जुटेका छन् । अहिले सहमतिको मस्यौदामा छलफलमा भइरहेको बैठकमा सहभागी नेताहरूले बताएका छन् ।

सदनको अवरोध खुलाउने विषयमा अहिले मस्यौदामा काम भइरहेको तर भाषा मिल्न बाँकी रहेको बैठकमा सहभागी एक नेताले जानकारी दिए ।

दलहरूबीच सहमति हुन नसकेपछि प्रतिनिधिसभा बैठकको समय सारिएको छ । दोस्रोपटक तोकिएको समयमा पनि बैठक बस्न नसकेपछि आजै अपराह्न ५:३० बजे बस्ने गरी तय गरिएको छ ।

आज दिउँसो १ बजे बैठक बस्ने पूर्वनिर्धारित कार्यसूची थियो । तर, सत्तापक्ष र विपक्षी दलबीच सहमति जुट्न नसकेपछि आजै दिउँसो ३:१५ का लागि बैठक सारिएको थियो ।

यस अवधिमा पनि सहमति नजुटेपछि सभामुख देवराज घिमिरेले आजै अपराह्न ५:३० बजेका लागि बैठक तय गरेका हुन् ।