काठमाडौं । अस्ट्रेलियन ओपन कराते प्रतियोगितामा अस्ट्रेलियन प्रतिद्वन्द्वीलाई फराकिलो अन्तरले पराजित गर्दै नेपालकी एरिका गुरुङले स्वर्ण पदक हात पारेकी छन् ।

६८ किलो समूहको फाइनलमा अस्ट्रेलियन प्रतिद्वन्द्वीलाई ५–० को फराकिलो अन्तरले हराउँदै स्वर्ण हात पारेकी हुन् । नेपालबाट सहभागी अन्य चार खेलाडी सन्तोस श्रेष्ठ, सविना श्रेष्ठ, पुष्पका लामा र वर्षा बुढामगरले भने कास्य पदक जितेका छन् ।

टिमका प्रशिक्षक कुशल श्रेष्ठले सबै खेलाडीले उत्कृष्ट प्रर्दशन गरेकोमा खुसी व्यक्त गरे । यस्तै, अर्का प्रशिक्षक मन्डेकाजी श्रेष्ठले एरिकाको प्रर्दशनी उच्च रहेको र अन्य खेलाडीको पनि स्वर्ण आशा गरियता पनि उनीहरू लगातारको खेलमा कडा प्रतीद्वन्द्वीको सामना गर्नु पर्दा कास्यमा सीमित भएको बताए । एसियन गेम्समा रजत पदक विजेता एरिकाले अस्ट्रेलियन ओपन जित्नु आफ्नो लागि महत्त्वपूर्ण उपलब्धि रहेको बताइन् ।