site stats
बाह्रखरी :: Baahrakhari
खेल
Global Ime bankGlobal Ime bank
नौ किलो गाँजासहित पक्राउ परे क्यानडाका कप्तान निकालेस किर्टोन

काठमाडौं । क्यानडा राष्ट्रिय क्रिकेट टिमका कप्तान निकोलस किर्टोन लागुऔषधसहित पक्राउ परेका छन् । गएको आइतबार बार्बाडोसको ग्रान्टली एडाम्स अन्तर्राष्ट्रिय विमानस्थलबाट उनलाई पक्राउ गरिएको त्यहाँका सञ्चारमाध्यमले जनाएका छन् ।

स्रोतलाई उद्धृत गर्दै जमैका ग्लेअनेरले २० पाउन्ड (नौ किलो) गाँजासहित किर्टोन पक्राउ परेको जनाएको छ । 

किर्टोनले वेस्ट इन्डिजको युवा टिमबाट अन्तर्राष्ट्रिय क्रिकेट करियर सुरु गरेका थिए । पनि पछि उनी क्यानडा पुगेका थिए । क्यानडाअघि उनले वेस्ट इन्डिजको यू–१९ टिमबाट समेत अन्तर्राष्ट्रिय क्रिकेटमा प्रतिनिधित्व गरेका थिए ।

बार्बाडोसमा गाँजा अवैध छैन । तर, यसको खेती गर्न अनुमतिपत्र आवश्यक हुन्छ । त्यहाँको सरकारले सन् २०१५ मा लागुऔषधसम्बन्धी कानुन खुकुलो बनाउँदै यो नियम ल्याएको थियो । यसलाई पूर्ण रूपमा वैधानिकीकरण भने नगरिएको त्यहाँका सञ्चारमाध्यमले जनाएका छन् ।

बार्बाडोसको कानुनानुसार, ५७ ग्रामसम्म गाँजा राख्नु अपराध नभए पनि सार्वजनिक रूपमा बोक्दा जरिवाना तिर्नुपर्ने हुन्छ ।

गत वर्ष क्यानडाको कप्तानी जिम्मेवारी पाएका किर्टोनले नेपाल प्रिमियर लिग (एनपीएल) मा विराटनगर किंग्सको प्रतिनिधित्व गरेका थिए ।

प्रकाशित मिति: शुक्रबार, चैत २२, २०८१  १२:५९
worldlinkworldlink
प्रतिक्रिया दिनुहोस्
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro