काठमाडौं । ‘द हिमालयन रिजर्भ ह्विस्कि’, प्रतिष्ठित मोन्ड सेलेक्सन गोल्ड अवार्ड २०२५, ब्रसेल्सबाट सम्मानित भएको छ । यो उल्लेखनीय उपलब्धिले ‘द हिमालयन रिजर्भ’लाई विश्वकै उत्कृष्ट गुणस्तरको ह्विस्किको श्रेणीमाझ परिचित गराएको छ ।

यो उपलब्धिको हासिलसँगै नेपाली ब्रान्डले पनि विश्वस्तरको प्रिमियम स्पिरिट्स उत्पादन गर्नसक्छ र अन्तर्राष्ट्रिय ब्रान्डहरूसँग प्रतिस्पर्धा थप प्रमाणित गरेको छ ।

सन् १९६१ मा स्थापित मोन्ड सेलेक्सन, एक प्रतिष्ठित अन्तर्राष्ट्रिय गुणस्तर संस्थान हो, जसले स्वाद, सामग्री, उत्पादनकला र समग्र उत्कृष्टताको आधारमा पेय पदार्थ तथा मदिराहरूको मूल्यांकन गर्दछ ।

अनुभवी सोमेलियर (मदिरा विशेषज्ञ) र मास्टर ब्लेन्डरहरूको निर्णायक समूहद्वारा गरिएको मूल्यांकनपछि प्राप्त भएको यो गोल्ड अवार्डले हिमालयन रिजर्भ ह्विस्किको अन्तर्राष्ट्रिय गुणस्तरलाई प्रमाणित गर्दछ ।

द हिमालयन रिजर्भ ह्विस्कि, हिमालयन स्प्रिङ वाटर (हिमालयको शुद्ध पानी) तथा विशेष रूपमा छनोट गरिएका ‘एज्ड स्कच मल्ट’बाट तयार गरिन्छ ।

यसले विश्वस्तरीय प्रिमियम ह्विस्किको सेगमेन्टमा देशको प्रतिनिधित्व गर्दै विश्वबजारमा नेपालको हिस्सा बढाएको छ । द हिमालयन रिजर्भ ह्विस्किको ‘रिच प्रोफाइल’, ‘स्मुद स्वाद’ र ‘कम्प्लेक्स क्यारेक्टर’ले गर्दा यो ह्विस्कि पारखीहरूको रोजाइ बनेको छ । यो अवार्डले ब्रान्डको गुणस्तरप्रति समर्पण प्रमाणित गर्दै नेपालले अन्तर्राष्ट्रिय मदिरा उद्योगमा उत्कृष्टता प्रस्तुत गर्न सक्ने क्षमता र थप सम्भावनालाई पनि उजागर गर्दछ ।

अवार्डबारे द हिमालयन रिजर्भ ह्विस्किका निर्देशक प्रदीप शारडाले भने, “मोन्ड सेलेक्सन गोल्ड अवार्ड जित्नु हाम्रो मात्र नभएर नेपालको लागि पनि गर्वको क्षण हो । हामीले हाम्रो मातृभूमिबाट विश्वस्तरीय ह्विस्कि विश्वमाझ पस्किने उद्देश्यले द हिमालयन रिजर्भ शुरू गरेका थियौं र आज यो सफलताले हाम्रो उत्कृष्टता हासिल गर्ने प्रतिबद्धतालाई प्रमाणित गरेको छ । हामी यो उपलब्धि नेपाली उत्पादन र हाम्रो उत्पादनकला तथा सीपमा विश्वास राख्नुहुने हाम्रा उपभोक्ताहरूलाई समर्पण गर्न चाहन्छौँ ।”

मोन्ड सेलेक्सनको यो सम्मानले द हिमालयन रिजर्भ ह्विस्किलाई नेपाली गौरव र अन्तर्राष्ट्रिय पहिचानको प्रतीक बनाएको छ, जसले नेपालमा उत्पादित मदिराले पनि विश्व मञ्चमा प्रतिस्पर्धा गर्न सक्छ भन्ने कुरा पुष्टि गर्दछ ।