काठमाडौं । हुम्लामा भूकम्पको धक्का महसुस गरिएको छ । बुधबार हुम्लाको कालिका आसपास केन्द्रविन्दु भएको ४.५ म्याग्निच्युडको धक्का मापन गरिएको राष्ट्रिय भूकम्प मापन तथा अनुसन्धान केन्द्रले जानकारी गराएको छ ।

बुधबार साँझ ७ बजेर ४४ मिनेटमा धक्का मापन गरिएको केन्द्रले जनाएको छ ।

यसअघि बुधबार नै चीनको स्वशासित क्षेत्र तिब्बतको टिंग्री काउन्टी आसपास केन्द्रविन्दु भएर ५.५ म्याग्निच्युडको धक्का मापन गरिएको थियो ।